Wealth secrets: How to make money, save money and get rich? ​💰​

[TELUGU]

Can You Really Retire in Your 30s?

FIRE => Financial Independence Retire Early

 

[TELUGU]

Mutual Fund: రూ. 10 లక్షలు పెట్టినోళ్లకు రూ. 4.5 కోట్లు.. ఈ బాహుబలి ఫండ్‌తో డబ్బులు డబుల్.!

పొదుపు పథకం.. ఈ మధ్యకాలంలో యువత నుంచి ఉద్యోగుల వరకు ప్రతీ ఒక్కరిది ఇదే మంత్రం. చాలీచాలనంత జీతం, నిత్యం పెరుగుతోన్న ఖర్చులతో వచ్చే శాలరీలో ప్రతీ రోజూ భవిష్యత్తు కోసం కొంత దాచుకోవడం బెటర్ ఆప్షన్ అనేది అందరి ఆలోచన.

 

Mutual Fund

పొదుపు పథకం.. ఈ మధ్యకాలంలో యువత నుంచి ఉద్యోగుల వరకు ప్రతీ ఒక్కరిది ఇదే మంత్రం. చాలీచాలనంత జీతం, నిత్యం పెరుగుతోన్న ఖర్చులతో వచ్చే శాలరీలో ప్రతీ రోజూ భవిష్యత్తు కోసం కొంత దాచుకోవడం బెటర్ ఆప్షన్ అనేది అందరి ఆలోచన. అందుకే మిమ్మల్ని మిలినీయర్‌గా మార్చే ఓ మ్యూచువల్ ఫండ్ గురించి చెప్పబోతున్నాం, అదే ఐసీఐసీఐ ప్రిడెన్షియల్‌కు చెందిన వాల్యూ డిస్కవరీ ఫండ్ 20 ఏళ్ల క్రితం ఇందులో రూ.10 లక్షలు పెట్టుబడి పెట్టినట్లయితే.. అది ఇప్పుడు రూ.4.50 కోట్లుగా మారింది. ఈ ఫండ్ కాంపౌండ్ ఇంట్రెస్ట్(CAGR) 21 శాతం కంటే ఎక్కువ అని చెప్పొచ్చు. అదే సమయంలో నిఫ్టీలో రూ. 10 లక్షల పెట్టుబడికి రూ. 2 కోట్లు మాత్రమే వస్తుంది. అంటే ఈ ఫండ్ నిఫ్టీ కంటే రెట్టింపు లాభాన్ని ఇస్తుంది. నిఫ్టీ కాంపౌండ్ ఇంట్రెస్ట్(CAGR) 16 శాతంగా ఉంది.

ఐసీఐసీఐ ప్రిడెన్షియల్‌ వాల్యూ డిస్కవరీ ఫండ్ దేశంలోనే అతిపెద్ద వాల్యూ ఫండ్. దీని అసెట్ వాల్యూ(AUM) వచ్చేసి రూ. 48,806 కోట్లుగా ఉంది. అంటే మ్యూచువల్ ఫండ్స్ వాల్యూ కేటగిరీలో, ఇది ఒక్కటి మాత్రమే మొత్తం AUMలో దాదాపు 26 శాతం వాల్యూ కలిగి ఉంది. డేటా ప్రకారం, ఒక సంవత్సరంలో, ICICI ప్రిడెన్షియల్‌ ఫండ్ రూ. 10,000ను రూ.14,312గా మార్చింది. అంటే దాదాపు 43 శాతం రిటర్న్ ఇచ్చింది. మూడేళ్లలో దాని రిటర్న్ CAGR 27.28 శాతం ప్రకారం రూ.10 వేల పెట్టుబడిని రూ.20,645గా మార్చింది. ఇది డబుల్ రిటర్న్స్ లెక్క. ఈ మొత్తం ఐదేళ్లలో రూ.32 వేలకు పైగా మారుస్తుంది. ఐదేళ్లకు CAGR 26 శాతంగా ఉంది.

SIP పెట్టుబడి పరిశీలిస్తే..

ఈ ఫండ్‌లో SIP పెట్టుబడిని పరిశీలిస్తే, అద్భుతమైన లాభాలు అందిస్తుంది. ఫండ్‌ ప్రారంభం(అనగా 20 ఏళ్ల క్రితం) నుంచి నెలవారీ రూ.10,000 పెట్టుబడి.. జూలై 31 వరకు SIP ద్వారా పెడితే రూ.2.30 కోట్లకు చేరుతుంది. అసలు పెట్టుబడి రూ.24 లక్షలు.. 19.41 శాతం CAGRతో అది కాస్తా డబుల్ ప్రాఫిట్స్‌గా మారుతుంది. గత రెండు దశాబ్దాలుగా, ICICI ప్రిడెన్షియల్‌ వాల్యూ డిస్కవరీ ఫండ్ పనితీరు అద్భుతంగా ఉందని చెప్పొచ్చు. మే 2006 నుంచి ఫిబ్రవరి 2009 మధ్య.. మళ్లీ 2016 నుంచి 2018 వరకు ఈ ఫండ్ కొంచెం డల్ అయినప్పటికీ.. దీర్ఘకాలికంగా పెట్టుబడిదారులకు లాభాలు పంట పండించింది.

ఇది చదవండి: హ్యాండ్ బ్రేక్‌ను హ్యాండిల్ చేయడం ఎలా.? ఈ తప్పు చేస్తే యముడికి షేక్‌హ్యాండ్ ఇచ్చినట్టే

కాగా, ఇటీవల ఈ ఫండ్‌కు 20 సంవత్సరాలు పూర్తవ్వడంతో.. ICICI ప్రిడెన్షియల్‌ AMC ఎండీ అండ్ సీఈఓ నిమేష్ షా మాట్లాడుతూ.. పూర్తి ప్రయోజనాల పొందేందుకు సమయం పడుతుందని.. దానికి సహనం అవసరమని అన్నారు. ICICI ప్రిడెన్షియల్‌ వాల్యూ డిస్కవరీ ఫండ్ దీర్ఘకాల లాభాలు సాధించడంలో.. పెట్టుబడిదారులకు స్థిరంగా సహాయపడుతుండటంలో తాము ఆనందంగా ఉన్నామని ఆయన చెప్పారు.

...

Complete article

[Sanjiv]

Get free house with this small home loan trick!

 

[TELUGU]

Atal Pension Yojana: హ్యాపీగా రిటైర్ అయిపోవచ్చు.. ఇదొక్కటి చేయండి చాలు..

అసంఘటిత రంగ కార్మికుల కోసమే కేంద్ర ప్రభుత్వం ఓ ప్రత్యేకమైన పెన్షన్ పథకాన్ని తీసుకొచ్చింది. దాని పేరే అటల్ పెన్షన్ యోజన(ఏపీవై). ఇది అసంఘటిత రంగంలోని వ్యక్తులు పెన్షన్ పొందేందుకు, వృద్ధాప్యంలో ఆర్థిక స్వాతంత్య్రాన్ని అందిస్తుంది. చాలా తక్కువ కంట్రిబ్యూషన్ తో వారి కనీస అవసరాలు తీర్చుకునేందుకు అవకాశం ఏర్పడుతుంది.

 

సమకాలీన సమాజంలో వృద్ధులు బతకడం కష్టమవుతోంది. ఉద్యోగులైతే కొంత వరకూ మేలు. ఎందుకంటే వారికి పదవీవిరమణ సమయంలో కొంత నగదు వస్తుంది. అలాగే పెన్షన్ కూడా ప్రతి నెల ఖాతాలో జమవుతుంది. అయితే రెక్కల కష్టం మీద బతికే కార్మికులకు మాత్రం వృద్ధాప్యంలో గడ్డు పరిస్థితులు ఎదుర్కొంటారు. కనీస అవసరాలకు కూడా వేరే వారిపై ఆధారపడాల్సి వస్తుంది. అలాంటి అసంఘటిత రంగ కార్మికుల కోసమే కేంద్ర ప్రభుత్వం ఓ ప్రత్యేకమైన పెన్షన్ పథకాన్ని తీసుకొచ్చింది. దాని పేరే అటల్ పెన్షన్ యోజన(ఏపీవై). ఇది అసంఘటిత రంగంలోని వ్యక్తులు పెన్షన్ పొందేందుకు, వృద్ధాప్యంలో ఆర్థిక స్వాతంత్య్రాన్ని అందిస్తుంది. చాలా తక్కువ కంట్రిబ్యూషన్ తో వారి కనీస అవసరాలు తీర్చుకునేందుకు అవకాశం ఏర్పడుతుంది. ఈ పథకానికి సంబంధించిన పూర్తి వివరాలు ఇప్పుడు తెలుసుకుందాం..

అటల్ పెన్షన్ యోజన అర్హతలు..

కేంద్ర ప్రభుత్వం అటల్ పెన్షన్ యోజనను 2015లో ప్రారంభించింది. ఇది పెన్షన్ పథకం. అసంఘటిత రంగంలోని కార్మికులకు వృద్ధాప్యంలో ఆర్థిక భద్రత కల్పించడాన్ని లక్ష్యంగా పెట్టుకుంది. అటల్ పెన్షన్ యోజన ఖాతాను ఆన్ లైన్ లేదా బ్యాంక్ శాఖను సందర్శించి ప్రారంభించొచ్చు. ఈ పథకాన్ని పొందేందుకు ప్రభుత్వం సరళమైన అర్హత ప్రమాణాలను నిర్దేశించింది. అవేంటో ఇప్పుడు చూద్దాం..

• వ్యక్తులు తప్పనిసరిగా 18 నుండి 40 సంవత్సరాల మధ్య వయస్సు కలిగి ఉండాలి.
• దరఖాస్తుదారులు తప్పనిసరిగా భారతదేశంలోని ఏదైనా బ్యాంకులో సేవింగ్స్ ఖాతాను కలిగి ఉండాలి.
• ఈ పథకం ప్రధానంగా పన్ను చెల్లింపుదారుల కేటగిరీ పరిధికి రాని వ్యక్తులకు మాత్రమే ఉద్దేశించింది.
• దరఖాస్తుదారులు తమ బ్యాంక్ ఖాతాకు చెల్లుబాటు అయ్యే ఆధార్ నంబర్‌ను లింక్ చేసి ఉండాలి.
• వ్యక్తి తప్పనిసరిగా ఉద్యోగుల భవిష్య నిధి (ఈపీఎఫ్) లేదా ఉద్యోగుల రాష్ట్ర బీమా (ఈఎస్ఐ) వంటి ఏ ఇతర చట్టబద్ధమైన సామాజిక భద్రతా పథకాలలో భాగం కాకూడదు.

అటల్ పెన్షన్ యోజన ఫీచర్లు ఇవి..

గ్యారెంటీడ్ పెన్షన్: కంట్రిబ్యూషన్ ఆధారంగా, చందాదారులు 60 ఏళ్ల తర్వాత రూ. 1,000 నుంచి రూ. 5,000 వరకు గ్యారెంటీ నెలవారీ పెన్షన్ పొందుతారు.

ప్రభుత్వ సహకారం: భారత ప్రభుత్వం మొత్తం సహకారంలో 50 శాతం లేదా ఐదేళ్లపాటు అర్హులైన చందాదారుల కోసం సంవత్సరానికి రూ. 1,000 (ఏది తక్కువైతే అది) సహకారం చేస్తుంది.

ఫ్లెక్సిబుల్ కంట్రిబ్యూషన్‌లు: ఎంచుకున్నపెన్షన్ మొత్తం, వ్యక్తి పథకంలో చేరిన వయస్సు ఆధారంగా కంట్రిబ్యూషన్ మొత్తం మారుతుంది. పొదుపు ఖాతా నుంచి సహకారాలు స్వయంచాలకంగా డెబిట్ అవుతాయి.

నామినేషన్ సదుపాయం: ఈ పథకం లబ్ధిదారుని నామినేట్ చేయడానికి అనుమతిస్తుంది. సాధారణంగా జీవిత భాగస్వామి, చందాదారుడు మరణించిన సందర్భంలో పెన్షన్ అందుకుంటారు.

అకాల విరమణ: మరణం లేదా ప్రాణాంతక అనారోగ్యం సంభవించినప్పుడు మాత్రమే ముందస్తు నిష్క్రమణకు అవకాశం ఉంటుంది. జీవిత భాగస్వామి వారి ప్రాధాన్యత ప్రకారం స్కీమ్ నుంచి సహకారం అందించడం లేదా నిష్క్రమించడం చేయవచ్చు.

అటల్ పెన్షన్ యోజన ప్రయోజనాలు..

• ఈ పథకం పదవీ విరమణ తర్వాత స్థిరమైన ఆదాయాన్ని అందిస్తుంది. వృద్ధాప్యంలో ఆర్థిక స్వాతంత్య్రానికి భరోసా ఇస్తుంది.
• పెన్షన్ మొత్తం ప్రభుత్వం హామీ ఇచ్చినందున, మార్కెట్ హెచ్చుతగ్గులు రాబడిపై ప్రభావం చూపే ప్రమాదం లేదు.
• తక్కువ-ఆదాయ వర్గాలు ప్రభుత్వ విరాళాల నుంచి ప్రయోజనం పొందుతారు.
• కంట్రిబ్యూషన్ చాలా తక్కువ ఉంటుంది కాబట్టి.. తక్కువ వయసులో చేరిన వారికి తక్కువ-ఆదాయ వర్గాలకు కూడా ఇది సరసమైనది.
• ఇందులో చేసే కంట్రిబ్యూషన్ రూ. 50,000 వరకు తగ్గింపును అనుమతించే ఆదాయపు పన్ను చట్టంలోని సెక్షన్ 80సీసీడీ (1బీ) కింద పన్ను మినహాయింపులకు అర్హులు.

...

Complete article

[Vijay]

Child Education schemes: ఆ పథకాల్లో పెట్టుబడితో పిల్లల భవిష్యత్‌కు ఆర్థిక భరోసా.. టాప్ పెట్టుబడి స్కీమ్స్ ఇవే..!

పిల్లలకు మంచి భవిష్యత్తు అందజేయడానికి తల్లిదండ్రులు ఎంతో కష్టపడుతుంటారు. వారు బాగా చదువుకుని ఉన్నత స్థాయికి ఎదగాలని కోరుకుంటారు. దాని కోసం అనేక ప్రణాళికలు వేసుకుంటారు. ముఖ్యంగా పిల్లల చదువు కోసం ఎక్కువ ఆలోచన చేస్తారు. ఆ ఖర్చుల కోసం ఎలా పొదుపు చేయాలో వివిధ మార్గాలను అన్వేషిస్తారు. నేటి కాలంలో దీనికి అనేక సులువైన మార్గాలు ఉన్నాయి.

 

పిల్లలకు మంచి భవిష్యత్తు అందజేయడానికి తల్లిదండ్రులు ఎంతో కష్టపడుతుంటారు. వారు బాగా చదువుకుని ఉన్నత స్థాయికి ఎదగాలని కోరుకుంటారు. దాని కోసం అనేక ప్రణాళికలు వేసుకుంటారు. ముఖ్యంగా పిల్లల చదువు కోసం ఎక్కువ ఆలోచన చేస్తారు. ఆ ఖర్చుల కోసం ఎలా పొదుపు చేయాలో వివిధ మార్గాలను అన్వేషిస్తారు. నేటి కాలంలో దీనికి అనేక సులువైన మార్గాలు ఉన్నాయి. వాటిలో ప్రతి నెలా కొంత పెట్టుబడి పెడుతూ ఉంటే పిల్లల చదువుకు అవసరమైన సమయంలో ఆ డబ్బులు అండగా ఉంటాయి. మీకు వచ్చే ఆదాయంలో కొంత పొదుపు చేయడం అలవాటు చేసుకోవాలని నిపుణులు సూచిస్తున్నారు. ఈ పొదుపును వివిధ మార్గాలలో పెట్టుబడిగా పెట్టుకోవచ్చు. కాబట్టి పొదుపు చేయడానికి ముందు ప్రణాళిక వేసుకోవాలి. పిల్లలకు అయ్యే విద్యా ఖర్చులను అంచనా వేయాలి. దానికోసం ప్రత్యేక పొదుపు ఖాతాను సృష్టించుకోవాలి. ఈ నేపథ్యంలో పిల్లల చదువు ఖర్చులకు ఉపయోగపడే వివిధ పథకాలను తెలుసుకుందాం.

సిస్టమాటిక్ ఇన్వెస్ట్‌మెంట్ ప్లాన్లు (ఎస్ఐపీలు)

మ్యూచువల్ ఫండ్స్‌లోని ఎస్ఐపీలలో ప్రతినెలా పెట్టుబడి పెట్టుకోవచ్చు. దీర్ఘకాలంలో వీటి నుంచి మంచి రాబడి వస్తుంది. ముఖ్యంగా ఈక్విటీ మ్యూచువల్ ఫండ్స్ ఎంతో అనుకూలంగా ఉంటాయి. ఎస్ఐపీలలో నెలకు రూ.500 కూడా ఇన్వెస్ట్ చేసే అవకాశం ఉంది.

సుకన్య సమృద్ధి యోజన (ఎస్ఎస్ వై)

బాలిక కోసం ప్రభుత్వం ఏర్పాటు చేసిన ఈ పథకంలో నెలా కనీసం రూ.వెయ్యి దాచుకోవచ్చు. బాలికకు 21 ఏళ్లు వచ్చే వరకు లాక్-ఇన్ పీరియడ్‌తో అధిక పన్ను-రహిత రాబడిని అందిస్తుంది. దీనిలో పెట్టుబడికి ఆదాయపు పన్ను మినహాయింపు కూాడా ఉంది.

పబ్లిక్ ప్రావిడెంట్ ఫండ్ (పీపీఎఫ్)

పొదుపు చేయడానికి పీపీఎఫ్ మరో మంచి ఎంపిక. ఇది 15 ఏళ్ల లాక్-ఇన్ వ్యవధిలో హామీ, పన్ను రహిత రాబడిని అందిస్తుంది. రిస్క్ తీసుకోలేని పెట్టుబడిదారులకు ఇది సురక్షితం.

విద్యా ప్రణాళికలు

పిల్లల చదువుకు సంబంధించి బీమా కంపెనీలు వివిధ ప్లాన్లను అమలు చేస్తున్నాయి. బీమాతో పాటు పొదుపును కలిపి అందజేస్తాయి. పిల్లలకు చదువుకు అవసరమైన సమయంలో ఏక మొత్తంలో డబ్బులను అందిస్తాయి. వీటి వల్ల పిల్లల విద్య అవసరాలు తీరడంతో పాటు, తల్లిదండ్రులు మరణిస్తే ఆర్థిక భద్రత కూడా లభిస్తుంది.

నేషనల్ సేవింగ్స్ సర్టిఫికెట్లు

నేషనల్ సేవింగ్స్ సర్టిఫికెట్ల (ఎన్ఎస్సీ)లో కూడా డబ్బులను పొదుపు చేసుకోవచ్చు. ఐదేళ్ల కాలవ్యవధికి స్థిరమైన రాబడి అందిస్తాయి. వీటిలో పెట్టుబడి పెట్టడం వల్ల ఎలాంటి రిస్క్ ఉండదు. అలాగే ఆదాయపుపన్ను చట్టంలోని 80సీ కింద పన్ను మినహాయింపు లభిస్తుంది.

చైల్డ్-ఫోకస్డ్ మ్యూచువల్ ఫండ్స్

పిల్లల అవసరాల కోసం చైల్డ్-ఫోకస్డ్ మ్యూచువల్ ఫండ్స్ అందుబాటులో ఉన్నాయి. ఇవి ఈక్విటీ, డెట్ ఇన్వెస్ట్‌మెంట్లను బ్యాలెన్స్ చేస్తాయి. పిల్లల చదువు కోసం డబ్బులను పొదుపు చేయడానికి వీటిని ప్రత్యేకంగా రూపొందించారు.

[Vijay]

Post Office Public Provident Fund PPF @ 7.1% interest: Invest Rs.250 a day and get Rs.24 lakhs upon maturity - రోజూ 250 పెట్టుబడితో మెచ్యూరిటీ తర్వాత రూ.24 లక్షలు.. అద్భుతమైన స్కీమ్‌

సురక్షితమైన పెట్టుబడి, హామీతో కూడిన రాబడిని కోరుకునే పెట్టుబడిదారులకు పోస్ట్ ఆఫీస్ ఉత్తమ ఎంపిక. బ్యాంకుల మాదిరిగానే పోస్టాఫీసుల్లోనూ అనేక పథకాలు అమలులో ఉన్నాయి. దీర్ఘకాలిక పెట్టుబడిదారుల కోసం పోస్టాఫీసు ప్రత్యేక పథకం పబ్లిక్ ప్రావిడెంట్ ఫండ్. ఈ పథకం బ్యాంకుల్లో కూడా అందుబాటులో ఉంది. పీపీఎఫ్ 7.1 శాతం వడ్డీని ఇస్తుంది. ఈ పథకంలో ఏటా కనీసం రూ. 500, గరిష్టంగా..

 

సురక్షితమైన పెట్టుబడి, హామీతో కూడిన రాబడిని కోరుకునే పెట్టుబడిదారులకు పోస్ట్ ఆఫీస్ ఉత్తమ ఎంపిక. బ్యాంకుల మాదిరిగానే పోస్టాఫీసుల్లోనూ అనేక పథకాలు అమలులో ఉన్నాయి. దీర్ఘకాలిక పెట్టుబడిదారుల కోసం పోస్టాఫీసు ప్రత్యేక పథకం పబ్లిక్ ప్రావిడెంట్ ఫండ్. ఈ పథకం బ్యాంకుల్లో కూడా అందుబాటులో ఉంది. పీపీఎఫ్ 7.1 శాతం వడ్డీని ఇస్తుంది. ఈ పథకంలో ఏటా కనీసం రూ. 500, గరిష్టంగా రూ.1.5 లక్షలు పెట్టుబడి పెట్టవచ్చు. మీకు కావాలంటే, మీరు ఈ పథకం ద్వారా మంచి మొత్తంలో నిధులను జోడించవచ్చు. మీరు ఈ పథకంపై పన్ను ప్రయోజనాలను కూడా పొందవచ్చు.

ప్రతిరోజూ రూ.250 ఆదాతో రూ.24 లక్షలు

మీకు కావాలంటే, మీరు ప్రతిరోజూ చిన్న మొత్తంలో పొదుపు చేయడం ద్వారా పెద్ద మొత్తాన్ని ఆదా చేయవచ్చు. మీరు ప్రతి నెలా రూ.7500 పెట్టుబడి పెడితే, మీరు ప్రతిరోజూ రూ.250 ఆదా చేసుకోవాలి. దీని ప్రకారం, మీరు పీపీఎప్‌ పథకంలో ఏటా రూ.90,000 పెట్టుబడి పెడతారు. పీపీఎఫ్‌ అనేది 15 సంవత్సరాల పథకం. అటువంటి పరిస్థితిలో మీరు పీపీఎఫ్‌ కాలిక్యులేటర్ ప్రకారం లెక్కించినట్లయితే, అప్పుడు రూ. 90,000 చొప్పున, మీరు 15 సంవత్సరాలలో మొత్తం రూ.13,50,000 పెట్టుబడి పెడతారు. దీనిపై, మీరు 7.1 శాతం వడ్డీతో రూ.10,90,926 పొందుతారు. అలాగే 15 సంవత్సరాలలో మీరు రూ.24,40,926 పొందుతారు.

పన్ను ఆదా..

పన్ను ఆదా విషయంలో కూడా పీపీఎఫ్‌ మంచి పథకంగా పరిగణిస్తారు. ఇది EEE వర్గం అంటే మినహాయింపు వర్గంకు చెందిన స్కీమ్‌. ఇందులో ప్రతి సంవత్సరం డిపాజిట్ చేసిన మొత్తంపై పన్ను ఉండదు. ఈ మొత్తంపై ప్రతి సంవత్సరం వచ్చే వడ్డీ, మెచ్యూరిటీ సమయంలో అందుకున్న మొత్తం మొత్తం పన్ను రహితం. ఈ విధంగా, EEE కేటగిరీ కింద వచ్చే ఈ పథకంలో పెట్టుబడి, వడ్డీ/రాబడి, మెచ్యూరిటీలో పన్ను ఆదా ఉంటుంది.

రుణ సదుపాయం

పీపీఎఫ్ ఖాతాదారులు కూడా అందులో రుణ సదుపాయాన్ని పొందుతారు. పీపీఎఫ్‌ ఖాతాలో జమ చేసిన మొత్తం ఆధారంగా మీరు లోన్ పొందుతారు. ఈ రుణం అసురక్షిత రుణం కంటే చౌకైనది. నిబంధనల ప్రకారం.. పీపీఎఫ్‌ లోన్ వడ్డీ రేటు పీపీఎఫ్‌ ఖాతా వడ్డీ రేట్ల కంటే 1% మాత్రమే ఎక్కువ. అంటే, మీరు పీపీఎఫ్‌ ఖాతాపై 7.1% వడ్డీని పొందుతున్నట్లయితే, మీరు రుణం తీసుకోవడానికి 8.1% వడ్డీని చెల్లించాలి.

మరిన్ని 

[Sanjiv]

🚨 Don’t Take a Home Loan Without Watching This!

 

 

[Sanjiv]

National Pension System (NPS): రిటైర్మెంట్ తర్వాత స్థిరమైన ఆదాయం కావాలా.. ఇలా చేయండి..

రిటైర్మెంట్ తర్వాత ఆర్థికంగా ఇబ్బందులు కలుగుతాయి. అలాంటి సమయలో ఆర్థిక భరోసా ఇవ్వడానికి నేషనల్ పెన్షన్ సిస్టమ్ (ఎన్‌పీఎస్) ఉపయోగపడుతుంది. ప్రభుత్వం మద్దతున్న ఈ పథకానికి ఇటీవల పెట్టుబడులు బాగా పెరిగాయి. ఈక్విటీ, డెట్ ఆప్షన్లు ఉండడంతో మరింత ప్రాధాన్యం పెరిగింది. ఉద్యోగ విరమణ తర్వాత స్థిరమైన ఆదాయం పొందటానికి ఉపయోగపడుతుంది.

 

ప్రతి ఒక్కరూ తమ పొదుపును రాబడిగా మార్చుకోవడానికి అనేక మార్గాలను అన్వేషిస్తారు. ముఖ్యంగా రిటైర్మెంట్ తర్వాత జీవితాన్ని సుఖంగా, సంతోషంగా గడపాలని కోరుకుంటారు. ఉద్యోగం చేసినప్పుడు నెలవారీ ఆదాయం వస్తుంది. జీవితం సాఫీగా సాగిపోతుంది. కానీ రిటైర్మెంట్ తర్వాత ఆర్థికంగా ఇబ్బందులు కలుగుతాయి. అలాంటి సమయలో ఆర్థిక భరోసా ఇవ్వడానికి నేషనల్ పెన్షన్ సిస్టమ్ (ఎన్‌పీఎస్) ఉపయోగపడుతుంది. ప్రభుత్వం మద్దతున్న ఈ పథకానికి ఇటీవల పెట్టుబడులు బాగా పెరిగాయి. ఈక్విటీ, డెట్ ఆప్షన్లు ఉండడంతో మరింత ప్రాధాన్యం పెరిగింది. ఉద్యోగ విరమణ తర్వాత స్థిరమైన ఆదాయం పొందటానికి ఉపయోగపడుతుంది. ఈ నేపథ్యంలో రిటైర్మెంట్ తర్వాత రాబడిని అందించే పెన్షన్ ఫండ్లను ఎలా ఎంచుకోవాలో తెలుసుకుందాం.

లాభదాయకం..

ఎన్‌పీఎస్‌లో పెట్టుబడులు చాలా లాభదాయకంగా ఉంటాయి. అనేక పన్ను ప్రయోజనాలు కలుగుతాయి. గత పదేళ్లుగా ఇవి క్రమంగా పెరిగాయి. ప్రతి మార్పు పెట్టుబడిదారునికి మరింత ప్రయోజనం కలిగిస్తుంది. ఈ సంవత్సరం బడ్జెట్ కొత్త పన్ను విధానాన్ని ఎంచుకునే వారికి పన్ను మినహాయింపును మెరుగుపరిచింది. అలాగే ఎన్‌పీఎస్‌ను పెన్షన్ ఫండ్ రెగ్యులేటరీ అండ్ డెవలప్‌మెంట్ అథారిటీ (పీఎఫ్‌ఆర్డీఏ) పర్యవేక్షణ చేస్తుంది.

ఈక్విటీ ఫండ్లు..

పెట్టుబడిదారులకు మంచి రాబడిని ఇవ్వడంతో ఈక్విటీ ఫండ్లు ముందుంటాయి. గతేడాది నిఫ్టీలో 27 శాతం పెరుగుదలతో పోలిస్తే సగటు ఈక్విటీ ఫండ్ 32 శాతం రాబడి అందించింది. కొత్తగా వచ్చిన డీఎస్పీ పెన్షన్ ఫండ్ ఈక్విటీ పథకం ఆరు నెలల్లో 21 శాతం పెరిగింది. టాటా పెన్షన్ మేనేజ్‌మెంట్ ఈక్విటీ ఫండ్ కూడా గతేడాది 35.78 శాతం రాబడిని ఇచ్చింది. అయితే ఈ ఫండ్లు ఇదే వేగంతో కొనసాగుతాయని భావించకూడదు.

గిల్ట్ ఫండ్స్..

స్థిరమైన రాబడి కోసం చూస్తున్న పెట్టుబడిదారులకు ఇవి చక్కగా సరిపోతాయి. దీర్ఘకాలిక పెట్టుబడిదారుల కోసం కానప్పటికీ, 2 నుంచి 3 ఏళ్లలో ఉద్యోగ విరమణ చేసే వ్యక్తులు పోర్ట్‌ఫోలియో ప్రమాదాన్ని తగ్గించడానికి ఈక్విటీ పథకాల నుండి గిల్ట్ ఫండ్‌లకు మారవచ్చు. దీర్ఘకాలిక బాండ్లను కలిగి ఉన్న ఫండ్లకు రేట్ల తగ్గింపు ప్రయోజనకరంగా ఉంటుంది, అనేక సంవత్సరాల అసహ్యమైన వృద్ధి తర్వాత, గిల్ట్ ఫండ్లు తిరిగి పుంజుకున్నాయి. గత సంవత్సరంలో వీటి సగటు రాబడి రెండంకెలలో ఉంది. దీర్ఘకాలిక పనితీరు కూడా చాలా బాగుంది. ఆదిత్య బిర్లా సన్ లైఫ్ పెన్షన్ ఫండ్ 3 నుంచి 5 సంవత్సరాలలో అత్యుత్తమ పనితీరును కనబరుస్తున్న పథకం.

కార్పొరేట్ బాండ్ ఫండ్లు..

ఎన్ పీఎస్ కు సంబంధించిన కార్పొరేట్ బాండ్ ఫండ్‌లు సాధారణంగా తక్కువ మెచ్యూరిటీ ప్రొఫైల్‌ కలిగి ఉంటాయి. వీటి సగటు మెచ్యూరిటీ వయసు 5 నుంచి 6 సంవత్సరాలు మాత్రమే. హెచ్ డీఎఫ్ సీ పెన్షన్ కాలపరిధిలో పోల్ పొజిషన్‌లో కొనసాగుతోంది. ఎనిమిది పెన్షన్ ఫండ్‌ల రిటర్న్‌లలో పెద్దగా వైవిధ్యం లేనప్పటికీ, దీని ఎస్ ఐపీ రాబడి కూడా అత్యధికంగానే ఉంది. దీర్ఘకాలిక పెట్టుబడిదారులు ఈ నిధులకు దూరంగా ఉండాలి.

ప్రత్యామ్నాయ పెట్టుబడులు..

రియల్ ఎస్టేట్ ఇన్వెస్ట్‌మెంట్ ట్రస్ట్‌లు (ఆర్ఈఐటీలు), ఇన్‌ఫ్రాస్ట్రక్చర్ ఇన్వెస్ట్‌మెంట్ ట్రస్ట్‌లలో (ఇన్విట్‌లు)లో ఈ ఫండ్లు పెట్టుబడులు పెడతాయి. అంటే నిర్మాణం పూర్తయిన, నిర్మాణంలో ఉన్నరియల్ ఎస్టేట్ ప్రాజెక్ట్‌లలో ఆర్ఈఐటీలు, అలాగే రోడ్లు, పవర్ ప్లాంట్లు, హైవేలు, గిడ్డంగులు వంటి మౌలిక సదుపాయాల ప్రాజెక్టులలో ఇన్విట్ లు పెట్టుబడులు పెడతాయి. గత ఏడాదిలో సగటు ప్రత్యామ్నాయ పెట్టుబడి నిధి రెండంకెల రాబడిని అందించింది, అయితే దీర్ఘకాలిక రాబడి అంతగా ఆకట్టుకోలేదు. హెచ్‌ఢీఎఫ్‌ సీ పెన్షన్ ఈ విభాగంలో అగ్రస్థానంలో ఉంది.

[TELUGU]

Post Office Scheme: Kanya Sukanya Yojana - మీ కుమార్తెకు 21 ఏళ్ల వయసులో 71 లక్షలు.. మోడీ సర్కార్‌ అద్భుతమైన స్కీమ్‌

ఆధునిక కాలంలో పెట్టుబడి పెట్టేందుకు ప్రజలు ప్రత్యామ్నాయ మార్గాలను వెతుకుతున్నారు. అటువంటి పరిస్థితిలో స్టాక్ మార్కెట్లో పెట్టుబడిదారుల సంఖ్య వేగంగా పెరిగింది. బ్యాంకు ఎఫ్‌డీ, ప్రభుత్వ పథకాల్లో పెట్టుబడులు పెట్టకుండా స్టాక్ మార్కెట్‌ను ప్రత్యామ్నాయ మార్గంగా ప్రజలు చూస్తున్నారు. అయితే,..

 

ఆధునిక కాలంలో పెట్టుబడి పెట్టేందుకు ప్రజలు ప్రత్యామ్నాయ మార్గాలను వెతుకుతున్నారు. అటువంటి పరిస్థితిలో స్టాక్ మార్కెట్లో పెట్టుబడిదారుల సంఖ్య వేగంగా పెరిగింది. బ్యాంకు ఎఫ్‌డీ, ప్రభుత్వ పథకాల్లో పెట్టుబడులు పెట్టకుండా స్టాక్ మార్కెట్‌ను ప్రత్యామ్నాయ మార్గంగా ప్రజలు చూస్తున్నారు. అయితే, ప్రభుత్వ పథకాల్లో పెట్టుబడి పెట్టడం వల్ల అనేక ప్రయోజనాలు లభిస్తాయి. ఇప్పుడు అటువంటి ప్రభుత్వ పథకం గురించి తెలుసుకుందాం. ఇక్కడ మీరు పన్ను ప్రయోజనాలతో పాటు ఎక్కువ మొత్తం ప్రయోజనం పొందుతారు.

ఈ పథకం కుమార్తెల కోసం తీసుకువచ్చింది కేంద్రం. మన దేశంలోని ఎవరైనా పౌరులు 10 సంవత్సరాలు లేదా అంతకంటే తక్కువ వయస్సు ఉన్న తన కుమార్తె కోసం ఈ పథకంలో పెట్టుబడి పెట్టవచ్చు. సుకన్య సమృద్ధి యోజన కింద, ఎవరైనా సంవత్సరానికి కనీసం రూ.250 డిపాజిట్ చేయవచ్చు. గరిష్టంగా రూ.1.5 లక్షల వరకు డిపాజిట్ చేయవచ్చు.

సుకన్య సమృద్ధి యోజన అతిపెద్ద లక్షణం ఏమిటంటే, దేశంలో అమలులో ఉన్న అన్ని ప్రభుత్వ పథకాలలో అత్యధిక వడ్డీని చెల్లించే పథకాలలో ఇది ఒకటి. దీని ఖాతాదారులకు ప్రతి సంవత్సరం 8.2 శాతం చొప్పున వడ్డీ అందుతుంది. అటువంటి పరిస్థితిలో కొన్ని సంవత్సరాల పాటు కొంత మొత్తాన్ని పెట్టుబడి పెట్టడం ద్వారా, మీ కుమార్తె 71 లక్షలకు పైగా యజమాని కావచ్చు.

కన్యా సుకన్య యోజన అంటే ఏమిటి?

కేంద్ర ప్రభుత్వం ప్రారంభించిన ఈ పథకం కింద భారతీయ పౌరులు ఎవరైనా తన కుమార్తె పేరు మీద ఈ పథకాన్ని ప్రారంభించవచ్చు. ఈ పథకాన్ని పోస్టాఫీసులోని ఏదైనా శాఖలో తెరవవచ్చు. ఈ పథకం కింద మీరు మొత్తం 15 సంవత్సరాల పాటు పెట్టుబడి పెట్టవచ్చు. ఆ తర్వాత 21 సంవత్సరాలు పూర్తయిన తర్వాత మెచ్యూరిటీపై పూర్తి మొత్తం అందుకుంటారు.

71 లక్షల రూపాయలు ఎలా పొందాలి?

ఈ పథకం కింద, మీరు 15 సంవత్సరాల పాటు సంవత్సరానికి 1.5 లక్షల రూపాయలను డిపాజిట్ చేయవచ్చు. దానిపై మీకు గరిష్ట ప్రయోజనం పొందుతారు. ఇందులో మీరు ప్రతి ఆర్థిక సంవత్సరంలో ఏప్రిల్ 5వ తేదీలోపు ఈ మొత్తాన్ని ఖాతాలో జమ చేసినప్పుడు మాత్రమే గరిష్ట వడ్డీని పొందే అవకాశం మీకు లభిస్తుంది. ఈ మొత్తాన్ని 15 సంవత్సరాల పాటు డిపాజిట్ చేస్తే, మొత్తం డిపాజిట్ రూ. 22,50,000 అవుతుంది. మెచ్యూరిటీపై, మీరు 71,82,119 రూపాయలు పొందుతారు. ఇందులో వడ్డీ ద్వారా అందిన మొత్తం 49,32,119 రూపాయలు. మెచ్యూరిటీలో పొందే ఈ మొత్తం పూర్తిగా పన్ను రహితంగా ఉంటుంది.

...

Complete article

[TELUGU]

FD Fixed Deposit Loan is the best option in emergencies: అత్యవసర వేళ.. ఇదే బెస్ట్ ఆప్షన్.. తక్కువ వడ్డీతో సులభంగా రుణం..

అయితే మీ డబ్బంతా ఇక్కడ లాక్ అయి ఉంటుంది కాబట్టి ఈ మధ్య కాలంలో అత్యవసరంగా ఏమైనా నగదు అవసరం అయితే ఇబ్బంది అవుతుంది. ఎఫ్డీని మధ్యలో క్లోజ్ చేయాలంటే మళ్లీ నష్టపోవాల్సి వస్తుంది. అందుకే మరో ఆప్షన్ ను ప్రభుత్వం తీసుకొచ్చింది. అదే ఫిక్స్‌డ్ డిపాజిట్‌పై లోన్. దీనికి సంబంధించిన పూర్తి వివరాలు ఇప్పుడు తెలుసుకుందాం..

సురక్షిత పెట్టుబడి పథకాలలో అత్యంత ప్రజాదరణ పొందిన పథకం ఫిక్స్‌డ్ డిపాజిట్. స్థిరమైన వడ్డీతో కచ్చితమైన రాబడిని అందిస్తుండటంతో పొదుపు కోరుకునే ఎక్కువశాతం మంది వీటిల్లో పెట్టుబడులు పెడుతుంటారు. ఈ ఎఫ్డీల్లో ఒకేసారి పెద్ద మొత్తంలో పెట్టుబడి పెట్టాల్సి ఉంటుంది. సాధారణంగా ఇవి కొంత్ లాకిన్ పీరియడ్ ఉంటుంది. అవి మూడేళ్లు, ఐదేళ్లు, పదేళ్ల వరకూ ఉంటుంది. వీటిని తిరిగి ఎక్స్ టెండ్ చేసుకునే అవకాశం ఉంటుంది. అయితే మీ డబ్బంతా ఇక్కడ లాక్ అయి ఉంటుంది కాబట్టి ఈ మధ్య కాలంలో అత్యవసరంగా ఏమైనా నగదు అవసరం అయితే ఇబ్బంది అవుతుంది. ఎఫ్డీని మధ్యలో క్లోజ్ చేయాలంటే మళ్లీ నష్టపోవాల్సి వస్తుంది. అందుకే మరో ఆప్షన్ ను ప్రభుత్వం తీసుకొచ్చింది. అదే ఫిక్స్‌డ్ డిపాజిట్‌పై లోన్. దీనికి సంబంధించిన పూర్తి వివరాలు ఇప్పుడు తెలుసుకుందాం..

పెనాల్టీ ఉంటుంది..

ఫిక్స్‌డ్ డిపాజిట్ పథకాలను ఇప్పటికీ పెట్టుబడిదారులు ఇష్టపడుతున్నారు. ఇది సురక్షితమైన పెట్టుబడిగా కూడా పరిగణిస్తారు. ఎఫ్డీలో డబ్బు నిర్ణీత కాలానికి లాక్ అయి ఉంటుంది. మీరు మెచ్యూరిటీకి ముందు ఎఫ్డీని క్లోజ్ చేస్తే బ్యాంకులు మీకు పెనాల్టీని విధిస్తాయి. అటువంటి పరిస్థితిలో మీరు నష్టాలను చవిచూడాలి. ఎందుకంటే మీరు ఎఫ్డీ చేసిన వడ్డీ రేటును పొందలేరు.

ఫిక్స్‌డ్ డిపాజిట్ పై రుణం..

ఫిక్స్‌డ్ డిపాజిట్లో పెట్టుబడి పెట్టిన తర్వాత మీకు ఎప్పుడైనా డబ్బు అవసరమైతే, మీరు దానిని క్లోజ్ చేయడానికి బదులుగా ఎఫ్డీ నుంచి రుణాన్ని కూడా ఎంచుకోవచ్చు. ఎఫ్‌డీని మెచ్యూరిటీ కన్నా ముందే ముగించడ కన్నా ఎఫ్‌డీపై రుణం తీసుకోవడం మంచిది.

ఎఫ్‌డీ బ్రేక్ అయితే ఎంత నష్టం?

ఎస్బీఐ ప్రకారం, మీరు ముందస్తుగా ఎఫ్‌డీని బ్రేక్ చేస్తే, 1 శాతం తక్కువ వడ్డీని పొందుతారు. ఉదాహరణకు, మీరు 6.5 శాతం వడ్డీని చెల్లిస్తున్న 2-సంవత్సరాల ఎఫ్‌డీని కలిగి ఉన్నారనుకోండి. కానీ మీరు రెండేళ్లు పూర్తికాకముందే దాన్ని బ్రేక్ చేస్తే, మీరు దానిపై 5.5 శాతం వడ్డీని మాత్రమే పొందుతారు. అంతే కాకుండా జరిమానా కూడా చెల్లించాల్సి ఉంటుంది. మీరు ఎస్బీఐ వద్ద రూ. 5 లక్షల వరకు ఎఫ్‌డీని ఉంచినట్లయితే, మెచ్యూరిటీకి ముందు ఎఫ్‌డీని బ్రేక్ చేసినందుకు మీరు 0.50 శాతం పెనాల్టీని చెల్లించాలి. కాబట్టి రూ. 5 లక్షల కంటే ఎక్కువ, రూ. 1 కోటి కంటే తక్కువ ఉన్న ఎఫ్‌డీలకు, అకాల విరామం కోసం 1 శాతం పెనాల్టీ విధిస్తారు.. అది మీకు మరింత నష్టాన్ని కలిగిస్తుంది.

ఎఫ్‌డీ రుణంపై వడ్డీ ఎంత?

మీరు ఎఫ్‌డీపై రుణంగా ఎంత మొత్తం తీసుకోవాలి అనేది మీ చేసిన ఎఫ్‌డీ మొత్తంపై ఆధారపడి ఉంటుంది. సాధారణంగా, మీరు ఎఫ్‌డీ మొత్తంలో 90 నుంచి 95 శాతం రుణంగా పొందుతారు. మీరు ఎఫ్‌డీపై రుణం తీసుకుంటే, మీరు ఫిక్స్‌డ్ డిపాజిట్లపై పొందే వడ్డీ కంటే 1 నుంచి 2 శాతం ఎక్కువ వడ్డీని చెల్లించాలి.

ఈ ఉదాహరణ చూడండి..

మీరు ఐదు సంవత్సరాలు ఎఫ్‌డీ కలిగి ఉన్నారని, దానిపై మీకు 7 శాతం వడ్డీ లభిస్తుందని అనుకుందాం. మీకు 8 నుంచి 9 శాతం వడ్డీతో రుణం లభిస్తుంది. ఎఫ్‌డీ పై లోన్ కాలవ్యవధి మీ ఎఫ్‌డీ కాలవ్యవధిపై ఆధారపడి ఉంటుంది. మీరు రుణం తీసుకున్న ఎఫ్‌డీ మెచ్యూరిటీకి ముందే మీరు లోన్‌ని తిరిగి చెల్లించాలి. మీరు సకాలంలో రుణాన్ని తిరిగి చెల్లించలేకపోతే, మీ ఎఫ్‌డీ మొత్తంతో లోన్ కవర్ అవుతుంది. అలాగే, మీరు ఈ లోన్‌ని మీ సౌలభ్యం ప్రకారం ఒకేసారి లేదా వాయిదాలలో తిరిగి చెల్లించవచ్చు.

ఎఫ్‌డీ ఎప్పుడు బెస్ట్ అంటే..

మీకు మీ ఎఫ్‌డీలో 30 నుంచి 40 శాతం మొత్తం కావాలంటే లోన్‌ని ఎంచుకోవచ్చు. ఇది మిమ్మల్ని ఆదా చేస్తుంది. మీ డబ్బు అవసరాలను కూడా తీర్చగలదు. ఉదాహరణకు, మీకు రూ.లక్ష ఎఫ్‌డీ ఉండి, రూ.30 నుంచి రూ.40 వేలు అవసరమైతే, మీరు ఎఫ్‌డిపై రుణం తీసుకుని, రుణాన్ని సులభంగా తిరిగి చెల్లించడం ద్వారా ఈ అవసరాన్ని తీర్చవచ్చు.

...

Complete article

[TELUGU]

Retirement Planning: Systematic Investment Plan (SIP) vs Lump sum Investments - పెట్టుబడి వ్యూహం ఇలా ఉండాలి.. మ్యూచువల్ ఫండ్స్‌లో ఈ ట్రిక్ తెలుసుకుంటే..

మీరు పదవీ విరమణ ప్రణాళిక కోసం మార్కెట్ పరిస్థితులు, పెట్టుబడి హోరిజోన్, రిస్క్ టాలరెన్స్, వ్యక్తిగత ఆర్థిక లక్ష్యాలు వంటి వివిధ అంశాలపై ఆధారపడి రెండు బెస్ట్ ఆప్షన్లను మ్యూచువల్ ఫండ్స్ అందిస్తుంది. అవి ఎస్ఐపీ (సిస్టమాటిక్ ఇన్వెస్ట్‌మెంట్ ప్లాన్), రెండోది లంప్ సమ్(ఏకమొత్తపు పెట్టుబడులు). ఈ రెండూ సమర్థవంతమైన వ్యూహాలుగా ఉంటాయి. అయితే వీటిలో ఏది బెస్ట్ తెలియాలంటే ఈ కథనం చదవాల్సిందే.

 

Sip Vs Lumpsum

పదవీవిరమణ ప్రణాళిక అనేది చాలా ప్రాముఖ్యమైనది. ప్రతి ఒక్కరూ దీనిని కలిగి ఉండటం అవసరం. ఎందుకంటే వృద్ధాప్యంలో ఎవరో ఒకరి మీద ఆధారపడి జీవించాలంటే చాలా కష్టంగా ఉంటుంది. ఆ సమయంలో ఆర్థిక స్వాతంత్రం ఉంటే వెసులుబాటు ఉంటుంది. అందుకే అప్పటి కోసం ముందు నుంచే ప్లానింగ్ కలిగి ఉండాలి. అలాంటి రిటైర్ మెంట్ ప్రణాళికల కోసం చాలా పెట్టుబడి పథకాలు అందుబాటులోఉన్నాయి గానీ, పరిమిత సంఖ్యలోనే అవి రాబడిని అందిస్తాయి. అధిక రాబడి కోరుకునే వారికి మాత్రం మ్యూచువల్ ఫండ్స్ అనేది మంచి ఆప్షన్ గా ఉంటుంది. ఇది మార్కెట్ ఆధారిత పథకం. స్టాక్‌లు, బాండ్లు లేదా ఇతర సెక్యూరిటీలలో పెట్టుబడి పెట్టడానికి మిమ్మల్ని అనుమతిస్తుంది. మీరు పెట్టే పెట్టుబడి ఆధారంగా మ్యూచువల్ ఫండ్ యూనిట్లను కలిగి ఉంటారు. మీరు పదవీ విరమణ ప్రణాళిక కోసం మార్కెట్ పరిస్థితులు, పెట్టుబడి హోరిజోన్, రిస్క్ టాలరెన్స్, వ్యక్తిగత ఆర్థిక లక్ష్యాలు వంటి వివిధ అంశాలపై ఆధారపడి రెండు బెస్ట్ ఆప్షన్లను మ్యూచువల్ ఫండ్స్ అందిస్తుంది. అవి ఎస్ఐపీ (సిస్టమాటిక్ ఇన్వెస్ట్‌మెంట్ ప్లాన్), రెండోది లంప్ సమ్(ఏకమొత్తపు పెట్టుబడులు). ఈ రెండూ సమర్థవంతమైన వ్యూహాలుగా ఉంటాయి. అయితే వీటిలో ఏది బెస్ట్ తెలియాలంటే ఈ కథనం చదవాల్సిందే.

ఎస్ఐపీ (సిస్టమాటిక్ ఇన్వెస్ట్‌మెంట్ ప్లాన్)..

ఎస్ఐపీలలో మీరు స్పల్ప మొత్తంలో పెట్టుబడి పెట్టే అవకాశం ఉంటుంది. క్రమం తప్పకుండా ఒక స్థిరమైన మొత్తాన్ని నెలవారీ, త్రైమాసికం పద్ధతిలో పెట్టుబడి పెట్టాలి. ధరలు తక్కువగా ఉన్నప్పుడు ఎక్కువ యూనిట్లు, ధరలు ఎక్కువగా ఉన్నప్పుడు తక్కువ యూనిట్లు కొనుగోలు చేస్తారు. ఇది మార్కెట్ అస్థిరత ప్రభావాన్ని తగ్గిస్తుంది. ఇది కాలక్రమేణా స్థిరంగా డబ్బు ఆదా చేయడంలో సాయపడుతుంది. మీరు తక్కువ మొత్తంతో (నెలకు రూ. 500 లేదా రూ. 1,000) ప్రారంభించవచ్చు. మీరు ఎప్పుడైనా ఎస్ఐపీని పాజ్ చేయవచ్చు లేదా ఆపవచ్చు. కాలక్రమేణా కాంపౌండింగ్ శక్తి కారణంగా చిన్న పెట్టుబడులు దీర్ఘకాలంలో భారీగా పెరిగి అధిక మొత్తాన్ని అందిస్తాయి. పెట్టుబడులు కాలక్రమేణా వ్యాపించి ఉంటాయి కాబట్టి, మార్కెట్ హెచ్చుతగ్గుల కారణంగా సంభవించే రిస్క్ శాతం తక్కువగా ఉంటుంది.

లంప్ సమ్ ఇన్వెస్ట్‌మెంట్..

మార్కెట్ డిప్ సమయంలో పెద్ద మొత్తంలో పెట్టుబడి పెట్టడం వల్ల మార్కెట్ పెరిగిన తర్వాత గణనీయమైన లాభాలను పొందవచ్చు. ఏకమొత్తంలో పెట్టుబడులు అనుకూలమైన మార్కెట్ పరిస్థితుల ప్రయోజనాన్ని పొందడానికి మిమ్మల్ని అనుమతిస్తాయి. ఇక్కడ పెట్టుబడి పెట్టిన తర్వాత, మీరు రెగ్యులర్ కంట్రిబ్యూషన్‌లు చేయనవసరం లేదు. మీరు ముందుగా పెద్ద మొత్తంలో పెట్టుబడి పెట్టడం వలన, కాంపౌండింగ్ శక్తి మీకు అనుకూలంగా, వేగంగా పని చేస్తుంది. అయితే ఒకేసారి పెద్ద మొత్తంలో పెట్టుబడి పెట్టడం వల్ల మార్కెట్ టైమింగ్ రిస్క్‌కు గురవుతారు. మీ ఏకమొత్తం పెట్టుబడిగా పెట్టిన తర్వాత మార్కెట్ పడిపోతే, అది గణనీయమైన నష్టానికి దారి తీస్తుంది. అందుకే లంప్ సమ్ ఇన్వెస్టర్‌లు రాబడిని పెంచుకోవడానికి మార్కెట్‌ను సరిగ్గా టైం చేయాలి. ఇది అనుభవజ్ఞులైన పెట్టుబడిదారులకు కూడా కష్టంగా ఉంటుంది.

పదవీ విరమణ ప్రణాళికకు ఏది బెస్ట్?

కాలక్రమేణా వారి పదవీ విరమణ కార్పస్‌ను నిర్మించాలని లక్ష్యంగా పెట్టుకున్న చాలా మంది రిటైల్ పెట్టుబడిదారులకు ఎస్ఐపీ అనుకూలంగా ఉంటుంది. ఇది పెట్టుబడికి క్రమశిక్షణతో కూడిన విధానాన్ని అందిస్తుంది. మార్కెట్ హెచ్చుతగ్గులకు సంబంధించిన నష్టాలను నిర్వహించడంలో సహాయపడుతుంది. మార్కెట్ అనిశ్చితి దృష్ట్యా ఎస్ఐపీ అనేది సాధారణంగా దీర్ఘకాలంలో పదవీ విరమణ ప్రణాళిక కోసం సురక్షితమైన పందెం. అయితే మీరు పెట్టుబడి పెట్టడానికి గణనీయమైన మొత్తాన్ని కలిగి ఉంటే, మార్కెట్ అనుకూలంగా ఉంటే అది మరింత ప్రయోజనకరంగా ఉంటుంది. భవిష్యత్తులో మార్కెట్ మంచి పనితీరు కనబరిచినట్లయితే ఇది అధిక రాబడిని అందిస్తుంది.

వ్యూహం ఇలా ఉండాలి..

మీరు పదవీవిరమణ ప్రణాళికను ఈ రెండింటి మిశ్రమంతోచేస్తే అధిక రాబడికి ఆస్కారం ఉంటుందని నిపుణులు చెబుతున్నారు. దీర్ఘకాలిక పెట్టుబడుల కోసం ఎస్ఐపీ.. మార్కెట్ కరెక్షన్‌లు లేదా డిప్‌లు సంభవించినప్పుడు ఏకమొత్తంలో పెట్టుబడులు పెట్టవచ్చు. ఈ రెండింటి కలయికలో పెట్టుబడిదారులకు రిస్క్ తగ్గుతుంది. రాబడి అధికంగా వస్తుంది.

...

Complete article

[Sanjiv]

save Rs 13 lakhs on your home loan!

 

[Sanjiv]

Post Office Fixed Deposit Scheme: 7.5% interest - పోస్టాఫీసులో అద్భుతమైన స్కీమ్‌.. ఐదేళ్లలో రూ.2 లక్షల బెనిఫిట్‌.. కానీ ఈ పొరపాటు చేస్తే నష్టమే!

పోస్టాఫీసులు రకరకాల పథకాలు అందుబాటులో ఉన్నాయి. తక్కువ పెట్టుబడితో ఎక్కువ రాబడి వచ్చే స్కీమ్స్ అందుబాటులో ఉన్నాయి. ఒకప్పుడు ఉత్తరాలే పరిమితమయ్యే పోస్టాఫీసులు.. ఇప్పుడు మంచి లాభాలు అందించే రకరకాల పథకాలు ప్రవేశపెడుతున్నాయి..

 

పోస్ట్ ఆఫీస్ ద్వారా అనేక రకాల పథకాలు అమలు అవుతున్నాయి. ఇందులో మీరు మీ డబ్బును పెట్టుబడి పెట్టడం ద్వారా చాలా మంచి లాభాలను పొందవచ్చు. పోస్టాఫీసులో సీనియర్ సిటిజన్ల కోసం అనేక ప్రత్యేక పథకాలు ఉన్నాయి. అటువంటి పరిస్థితిలో సీనియర్ సిటిజన్లు కూడా పోస్టాఫీసు పథకంలో పెట్టుబడి పెట్టవచ్చు. పోస్టాఫీసు అత్యంత సాధారణ పథకం గురించి మాట్లాడితే.. ఇది ఫిక్స్‌డ్ డిపాజిట్ (FD). ఏదైనా పౌరుడు తన డబ్బును ఎఫ్‌డీలో పెట్టుబడి పెట్టవచ్చు. ఇందులో మీరు వివిధ కాల వ్యవధితో ఫిక్స్‌డ్‌ డిపాజిట్‌ ఎంపికను పొందుతారు.

మీరు పోస్ట్ ఆఫీస్ ఎఫ్‌డీలోలో పెట్టుబడి పెట్టడం ద్వారా ఎక్కువ లాభం పొందాలనుకుంటే మీరు మీ డబ్బును పోస్టాఫీసు 5 సంవత్సరాల కాలవ్యవధి ఎఫ్‌డీలో పెట్టుబడి పెట్టవచ్చు. ఈ 5 సంవత్సరాల ఎఫ్‌డీలో మీరు అధిక వడ్డీ రేటు పొందుతారు. దీనితో పాటు మీరు పన్ను ప్రయోజనం కూడా పొందుతారు.

5 సంవత్సరాల ఎఫ్‌డీ 2 లక్షల కంటే ఎక్కువ లాభాలు

మీరు పోస్టాఫీసులో 5 సంవత్సరాల ఎఫ్‌డీలో రూ. 5 లక్షలు పెట్టుబడి పెడితే, మీకు సంవత్సరానికి 7.5 శాతం చొప్పున వడ్డీ లభిస్తుంది. ఈ సందర్భంలో ఐదేళ్లలో మీరు రూ. 5 లక్షలపై రూ. 2,24,974 వడ్డీని పొందుతారు, అంటే FD మెచ్యూర్ అయినప్పుడు మీరు పూర్తిగా రూ.7,24,974 పొందుతారు. ఇది మాత్రమే కాదు, మీరు సెక్షన్ 80C కింద పన్ను ప్రయోజనాలను కూడా పొందుతారు.

మీరు మంచి లాభం పొందాలనుకుంటే ఈ ఫిక్స్‌డ్‌ డిపాజిట్‌ పదవీకాలం పూర్తయ్యేలోపు బ్రేక్ చేయకండి. మీరు ఎఫ్‌డీని ప్రారంభించిన 6 నెలల తర్వాత లేదా 1 సంవత్సరం పూర్తయ్యేలోపు క్లోజ్‌ చేస్తే మీరు పొదుపు ఖాతాపై వర్తించే వడ్డీ రేటు ప్రకారం వడ్డీని పొందుతారు., ఇది కేవలం 4 శాతం మాత్రమే.

[Sanjiv]

Get 12 Crore + 8 lakhs pension per month by Investing Rs.5000 Per Month!😱 #shorts #npsvatsalya #kowshikmaridi

NPS National Pension Scheme Vatsalya

 

[Sanjiv]

EMI Reduction or Tenure Reduction? Which should you opt for?

 

[Sanjiv]

is Mukesh Ambani really giving you 50 lakhs per month?!