Wealth secrets: How to make money, save money and get rich? ​💰​

[TELUGU]

Can You Really Retire in Your 30s?

FIRE => Financial Independence Retire Early

 

[Sanjiv]

LIC Jeevan Anand Policy: 25 lakh rupees for depositing 25 rupees a day - రోజుకు రూ.45 పొదుపు చేస్తే రూ.25 లక్షలు మీవే..ఈ ఎల్ఐసీ పాలసీతో ఎంతో ప్రయోజనం

జీవితంలో ఉన్నత స్థాయికి ఎదగడానికి, భవిష్యత్తులో ఇబ్బందులు లేకుండా జీవించడానికి ప్రణాళిక అనేది చాలా అవసరం. వచ్చిన ఆదాయంలో అవసరాలకు పోను మిగిలిన దాన్ని పొదుపు చేసుకోవడం దానిలో ప్రధాన అంశం. ఈ పొదుపును పెట్టుబడిగా మార్చుకుంటే దీర్ఘకాలంలో రాబడిని పెంచుకునేందుకు అవకాశం ఉంటుంది. వయసులో ఉండగా ఉద్యోగం, వ్యాపారం చేసుకుంటూ వచ్చిన జీతంతో హాయిగా గడిపేయవచ్చు.

రిటైర్మెంట్ తర్వాత పరిస్థితి ఏమిటి, ఖర్చులకు సరిపడే డబ్బులు ఎలా వస్తాయనే ఆందోళన అందరికీ ఉంటుంది. అయితే ప్రణాళికా బద్దంగా జీవనం సాగిస్తే మీకు ఎలాంటి ఆర్థిక ఇబ్బందులు ఉండవు. ఎల్ఐసీలోని జీవన్ ఆనంద్ పాలసీలో ప్రతి రోజూ రూ.45 పొదుపు చేస్తే 35 ఏళ్ల తర్వాత రూ.25 లక్షలు పొందే అవకాశం ఉంది. అంటే చిన్న పొదుపుతో జీవితానికి భరోసా లభిస్తుంది. లైఫ్ ఇన్స్యూరెన్స్ కార్పొరేషన్ ఆఫ్ ఇండియా (ఎల్ఐసీ)లో జీవన్ ఆనంద్ పాలసీ అనేక ప్రయోజనాలను అందిస్తోంది.

లైఫ్ ఎండో మెంట్ ప్లాన్. అంటే ప్రీమియం గడువు ముగిసిన తర్వాత కూడా బీమా కవరేజీ కొనసాగుతుంది. దీని ప్రీమియం చాలా తక్కువ. సామాన్యుల సైతం చాలా సులువుగా చెల్లించే అవకాశం ఉంది. రోజుకు కేవలం రూ.45 చొప్పున చెల్లిస్తే సరిపోతుంది. 35 ఏళ్ల తర్వాత 25 లక్షల రూపాయలు పొందే అవకాశం కలుగుతుంది. రిటైర్మెంట్ తర్వాత ఈ సొమ్ము మనకు ఆర్థిక భద్రత కల్పిస్తుంది. నిశ్చింతగా జీవించే వీలుంటుంది. జీవన్ ఆనంద్ పాలసీలో బోనస్, డెత్ బెనిఫిట్స్ తో పాటు యాక్సిడెంట్ డెత్, డిసేబిలిటీ రైడర్ కూడా ఉంది. పాలసీ ప్రీమియాన్ని చాలా సులువుగా చెల్లించవచ్చు. అలాగే రెండేళ్ల తర్వాత సరెండర్ చేయడానికి అవకాశం ఉంటుంది. దురదష్టవశాత్తూ పాలసీదారుడు మరణిస్తే కుటుంబానికి రూ.5 లక్షల బీమా అందుతుంది. ప్రమాదంలో శాశ్వత అంగవైకల్యానికి గురైతే విడతల వారీగా బీమా మొత్తాన్ని పంపిణీ చేస్తుంది.

జీవన్ ఆనంద్ పాలసీ ప్రయోజనాలు

• జీవన్ ఆనంద్ పాలసీతో అనేక ప్రయోజనాలు కలుగుతాయి. అదనపు బోనస్ లతో హామీ ఇచ్చిన మొత్తాన్ని అందజేస్తుంది.
• పాలసీ కాలమంతా యాక్టివ్ గా ఉండేలా చూసుకోవడం వల్ల మెచ్యూరిటీ ప్రయోజనాలన్నీ అందుతాయి.
• పాలసీదారులు మరణించిన సమయంలో నామినీకి బీమా మొత్తం చెల్లిస్తారు.
• జీవిత కాలానికి రక్షణ లభిస్తుంది. బీమా చేయబడిన వ్యక్తికి జీవిత కాలం ఆర్థిక భధ్రత అందిస్తుంది.
• ఎంచుకున్న టర్మ్ పిరియడ్ ముగింపులో ఒకేసారి మొత్తాన్ని అందిస్తుంది.
• పాలసీ తీసుకుకోవడానికి కనీస వయసు 18 ఏళ్లు, గరిష్టంగా 50 ఏళ్ల లోపు ఉండాలి.
• ప్రతి నెలా రూ.1,358 ప్రీమియం చెల్లించడం (రోజుకు రూ.45) ద్వారా 35 ఏళ్లలో రూ.25 లక్షలకు పొందవచ్చు.

[Vijay]

Banks that offer highest interest on Fixed Deposits - ఫిక్స్‌డ్ డిపాజిట్లపై అత్యధిక వడ్డీ రేట్లను అందించే టాప్ 5 బ్యాంకులు

Fixed Deposits: చాలా మంది డబ్బును వివిధ రకాలుగా డిపాజిట్లు చేస్తుంటారు. చేతిలో డబ్బు ఉండి మంచి వడ్డీ రేట్లను రాబట్టుకునేందుకు ఫిక్స్‌డ్‌ డిపాజిట్లను చేస్తుంటారు. అయితే ఈ ఫిక్స్‌డ్‌ డిపాజిట్లపై మంచి వడ్డీ రేట్లు అందించే బ్యాంకులు ఉన్నాయి. ఆ టాప్‌ బ్యాంకులు ఏవో చూద్దాం..

ఫిక్స్‌డ్ డిపాజిట్ పథకాలు అత్యంత రిస్క్ లేని ఇంకా స్థిరమైన పెట్టుబడి పథకాలలో ఒకటి. ఈ పథకాలను అన్ని బ్యాంకులు, ప్రైవేట్ ఆర్థిక సంస్థలు, ఇతరులు అందిస్తారు. కొన్ని బ్యాంకులు ఫిక్సెడ్ డిపాజిట్ ఫండ్స్‌ పై ఏ బ్యాంకు ఎంత వడ్డీ రేటు ఇస్తుందో చూద్దాం.

డిపాజిట్ పీరియడ్ 1 సంవత్సరం వడ్డీ రేటు మీరు రూ.10,000 పెట్టుబడి పెడితే మీకు ఎంత లభిస్తుంది?

1. బంధన్ బ్యాంక్ 8.05%తో మీకు రూ.10,830
2. ఇండస్‌ఇండ్ బ్యాంక్ 7.75% రూ.10,798
3. ఆర్‌పిఎల్ బ్యాంక్ 7.50% రూ.10,771
4. కర్నాటక బ్యాంక్ 7.25% రూ.10,745
5. కరూర్ వైశ్యా బ్యాంక్ 7.25% రూ.10,745

20 ఏళ్ల డిపాజిట్‌పై ఎంత వడ్డీ వస్తుంది?

• బంధన్ బ్యాంక్ 7.80% రూ.11,671
• ఇండస్‌ఇండ్ బ్యాంక్ 7.75% రూ.11,659
• ఆర్‌పిఎల్ బ్యాంక్ 7.50% రూ.11,602
• కర్నాటక బ్యాంక్ 7.30% రూ.11,557
• కరూర్ వైశ్యా బ్యాంక్ 7.25% రూ.11,545

10ఏళ్ల డిపాజిట్‌పై

• బంధన్ బ్యాంక్ 7.55% రూ.12,516
• ఇండస్‌ఇండ్ బ్యాంక్ 7.50% రూ.12,497
• ఆర్‌పిఎల్ బ్యాంక్ 7.40% రూ.12,460
• కర్నాటక బ్యాంక్ 7.25% రూ.12,405
• కరూర్ వైశ్యా బ్యాంక్ 7.25% రూ.12,405

30 ఏళ్ల డిపాజిట్లపై ఎంత..?

• బంధన్ బ్యాంక్ 7.40% రూ.14,428
• ఇండస్‌ఇండ్ బ్యాంక్ 7.25% రూ.14,323
• RPL బ్యాంక్ 7.25% రూ.14,323
• కర్ణాటక బ్యాంక్ 7.25% రూ.14,323
• కరూర్ వైశ్యా బ్యాంక్ 7.10% రూ.14,217