Jayalalitha, the actress

[TELUGU]

Jayalalitha: నా జీవితంలో దురదృష్టం పాళ్లు ఎక్కువ: జయలలిత

గ్లామర్ తో మెప్పించిన జయలలిత 

హీరోయిన్ గా ఛాన్స్ రాలేదని వెల్లడి

చాలా అవకాశాలు చేజారిపోయాయని వివరణ   

ఫ్యామిలీ కోసం చేయక తప్పలేదని వ్యాఖ్య

జయలలిత.. శృంగారనాయికగా అలరించిన సినిమాలు ఎక్కువ. ఒకానొక దశలో ఆమెలేని సినిమా ఉండేది కాదు. అంత బిజీగా ఆమె కెరియర్ కొనసాగింది. అలాంటి జయలలిత, ఐడ్రీమ్ వారికి ఇచ్చిన ఇంటర్వ్యూలో మాట్లాడుతూ .. "నా లైఫ్ లో అదృష్టం పాళ్లు ఎక్కువనా? దురదృష్టం పాళ్లు ఎక్కువనా? అంటే, దురదృష్టం పాళ్లే ఎక్కువని చెప్పాలి" అన్నారు. 

"అప్పట్లో ఎక్కడికి వెళ్లినా 'మీరు హీరోయిన్ కంటెంట్ మేడమ్' అనేవారు. కానీ ఎవరూ కూడా హీరోయిన్ గా ఛాన్స్ ఇచ్చేవారు కాదు. ఇక చాలా పాత్రలు చేతివరకూ వచ్చి జారిపోయాయి. అయినా దిగాలు పడిపోకుండా నా వరకూ వచ్చిన పాత్రలను చేస్తూ వెళ్లాను. నాతో వ్యాంప్ రోల్స్ చేయించారుగానీ, నిజానికి నాకు వ్యాంప్ ఎక్స్ ప్రెషన్ పలకదు" అన్నారు. 

" నేను క్లాసికల్ డాన్సర్ ని .. అందువలన ఎల్. విజయలక్ష్మి మాదిరిగా ఆ తరహా పాత్రలు వస్తాయేమోనని చూశాను .. కానీ రాలేదు. నన్ను చూసినవారు కూడా .. "ఇంతందంగా ఉన్నారు .. మిమ్మల్ని వ్యాంప్ పాత్రలకి ఎలా అడుగుతున్నారు .." అని అంటారు. కానీ ఏం చేస్తాం .. ఫ్యామిలీని పోషించడం కోసం అలాంటి పాత్రలు చేయలేక తప్పలేదు" అని చెప్పారు. 

...

Complete article

[TELUGU]

Jayalalitha: తప్పని పరిస్థితుల్లో కొందరికి లొంగిపోయాను.. శరత్ బాబు‌తో బిడ్డను కనాలనుకున్నా: సినీ నటి జయలలిత

తాను చెడిపోయినా, ఇంట్లో వాళ్లు బాగుండాలని అనుకున్నానన్న జయలలిత

కొందరు తన వెంట పడేవారని వెల్లడి

శరత్ బాబు, తాను ప్రేమించుకున్నామన్న సీనియర్ నటి

తెలుగు సినీ పరిశ్రమలో సీనియన్ నటి జయలలిత గురించి ప్రత్యేకంగా పరిచయం అవసరం లేదు. హీరోయిన్ గా ఇండస్ట్రీలోకి అడుగు పెట్టిన ఆమె... ఆ తర్వాత క్యారెక్టర్ ఆర్టిస్టుగా సెటిల్ అయిపోయారు. ప్రస్తుతం సీరియల్స్ లో నటిస్తూ ప్రేక్షకులను అలరిస్తున్నారు. మరోవైపు, తన జీవితంలో జరిగిన సంచలన విషయాలను ఆమె తన తాజా ఇంటర్వ్యూలో వివరించారు. 

తన తల్లిదండ్రులు చనిపోయిన తర్వాత తాను హైదరాబాద్ కు వచ్చానని... వరుసగా సినిమాల్లో ఆఫర్లు రావడంతో ఇక్కడే ఉండిపోయానని జయలలిత చెప్పారు. తాను ఎక్కువగా గ్లామర్ పాత్రలే చేశానని.... ఒక రోజు డైరెక్టర్ గదికి రమ్మని పిలిచాడని, లేదంటే సినిమా నుంచి తీసేస్తానని హెచ్చరించాడని తెలిపారు. తాను ఒప్పుకోకపోవడంతో తనను సినిమా నుంచి తీసేశారని చెప్పారు. 

ఆ తర్వాత కూడా కొందరు తన వెంట పడేవారని... కొన్నిసార్లు తప్పించుకునే దాన్నని, కొన్ని సార్లు తప్పని పరిస్థితుల్లో లొంగిపోయేదాన్నని జయలలిత షాకింగ్ విషయాన్ని వెల్లడించారు. తాను చెడిపోయినా పర్వాలేదని, ఇంట్లో వాళ్లు బాగుండాలనే అలా చేశానని చెప్పారు. అయితే, అందరూ వాళ్ల అవసరాలు తీర్చుకున్నారే కానీ, తన మీద ప్రేమను చూపించలేదని ఆవేదన వ్యక్తం చేశారు. 

శరత్ బాబు, తాను ప్రేమించుకున్నామని... పెళ్లి కూడా చేసుకోవాలని అనుకున్నామని జయలలిత తెలిపారు. ఆయనను తాను బావ అని పిలిచేదాన్నని చెప్పారు. బిడ్డను కనాలని ప్లాన్ కూడా చేసుకున్నామని తెలిపారు. అయితే, తమ పెళ్లిని ఇండస్ట్రీకి చెందిన వాళ్లే ఆపేశారని చెప్పారు. ఈ విషయాన్ని ఎక్కడా చెప్పలేదని... ఇప్పుడు ఆయన ఈ లోకంలో లేరు కాబట్టే చెపుతున్నానని అన్నారు.

...

Complete article