Loan Apps: అయ్యో.. లోన్ యాప్ ఎంత పనిచేసింది!

[TELUGU]

Telangana: అవసరాలకు అప్పులు తీసుకుని వాటిని తీర్చే మార్గం లేక చివరకు ప్రాణాలు కూడా తీసుకుంటున్న ఘటనలు ఎన్నో చూస్తున్నాం. ముఖ్యంగా లోన్ యాప్ సంస్థల వేధింపులు రోజురోజుకు పెరిగిపోతున్నాయి. లోన్‌ యాప్‌ల ద్వారా రుణాలు పొంది.. సరైన సమయానికి ఈఎంఐలు కట్టలేకపోతుంటారు కొందరు. అప్పు కట్టాల్సిందే అంటూ లోన్ యాప్ నిర్వాహకులు అనేక విధాలుగా వేధింపులకు గురిచేస్తుంటారు.

సంగారెడ్డి, ఏప్రిల్ 5: అవసరాలకు అప్పులు తీసుకుని వాటిని తీర్చే మార్గం లేక చివరకు ప్రాణాలు కూడా తీసుకుంటున్న ఘటనలు ఎన్నో చూస్తున్నాం. ముఖ్యంగా లోన్ యాప్ (Loan Apps) సంస్థల వేధింపులు రోజురోజుకు పెరిగిపోతున్నాయి. లోన్‌ యాప్‌ల ద్వారా రుణాలు పొంది.. సరైన సమయానికి ఈఎంఐలు కట్టలేకపోతుంటారు కొందరు. అప్పు కట్టాల్సిందే అంటూ లోన్ యాప్ నిర్వాహకులు అనేక విధాలుగా వేధింపులకు గురిచేస్తుంటారు. తీసుకున్న మొత్తానికి అప్పు కట్టినప్పటికే అదనంగా చెల్లించాలంటూ ఇంకో రకంగా ఇబ్బందులకు గురిచేస్తుంటారు. లోన్ తీసుకున్న వారి ఫోటోలను సోషల్ మీడియాలో పెడతామంటూ బెదిరింపులకు దిగుతుంటారు. అయినప్పటికీ అప్పులు చెల్లించని పక్షంలో దయాదాక్షిన్యాలు మరిచి... లోన్ తీసుకున్న వారి ఫోటోలను అసభ్యకర రీతితో సోషల్ మీడియాలో పోస్టు చేస్తూ లోన్‌యాప్ నిర్వాహకులు బరితెగిస్తుంటారు. తాజాగా ఇలాంటి ఘటనలో సంగారెడ్డి (Sangareddy) జిల్లాలో చోటు చేసుకుంది.

అసలేం జరిగిందంటే...

జిల్లాలోని అందోల్ మండలం కన్సాన్ పల్లి గ్రామానికి చెందిన యువకుడు శ్రీకాంత్ (21) లోన్‌యాప్‌ ద్వారా రూ.30 వేల రేణం తీసుకున్నాడు. రూ.30 వేల రుణానికి గాను.. నాలుగు నెలల వ్యవధిలో శ్రీకాంత్ దాదాపు రూ.1,30,000 చెల్లించాడు. అయితే ఇంకా అదనంగా మరో రూ.80 వేలు చెల్లించాలంటూ శ్రీకాంత్‌పై లోన్‌యాప్ సిబ్బంది ఒత్తిడి తీసుకొచ్చారు. లోన్ యాప్ సిబ్బందికి డబ్బులు చెల్లించేందుకు యువకుడు నిరాకరించాడు. దీంతో రెచ్చిపోయిన లోన్‌యాప్ సిబ్బంది శ్రీకాంత్ పట్ల దురుసుగా ప్రవర్తించారు. యువకుడిపై సోషల్ మీడియాలో అశ్లీల పోస్టులు పెట్టి మరీ వేధించారు. దాంతో మనస్థాపానికి గురైన శ్రీకాంత్ మార్చి 30న పురుగుల మందు సేవించి ఆత్మహత్యాయత్నానికి పాల్పడ్డాడు. ఈ ఘటన ఆలస్యంగా వెలుగులోకి వచ్చింది. అతడి పరిస్థితి విషమంగా ఉండటంతో కుటుంబసభ్యులు వెంటనే హైదరాబాద్ నిమ్స్ ఆస్పత్రికి తరలించారు. కాగా.. చికిత్స పొందుతూ శ్రీకాంత్ గత రాత్రి కన్నుమూశాడు. శ్రీకాంత్ మృతితో తల్లిదండ్రులు కన్నీరుమున్నీరుగా విలపిస్తున్నారు. లోన్‌యాప్ సిబ్బంది ఆగడాలను అరికట్టాలని మృతుని బంధువులు డిమాండ్ చేస్తున్నారు.

...

Complete article

[Vijay]

Online Loan Apps: Trouble to your friends మీ ఫ్రెండ్ ఆన్‌లైన్ లోన్ తీసుకుంటే.. త్వరలో మీరు ఇబ్బంది పడతారు.. ఎలాగంటే..

ఆన్‌లైన్లో లోన్ తీసుకుని తిరిగి కట్టలేక అనేకమంది ఇబ్బందులకు గురవుతున్నారు. అధిక మొత్తంలో వడ్డీలు వేయడంతో తీసుకున్న లోన్ క్లోజ్ అవ్వడానికి నానా ఇబ్బందులు పడాల్సి వస్తుంది. ఈ తరుణంలో చాలామంది బ్యాంకుల నుండి వస్తున్న కాల్స్‎ను లిఫ్ట్ చేయకుండా వదిలేస్తూ ఉంటారు.

ఆన్‌లైన్లో లోన్ తీసుకుని తిరిగి కట్టలేక అనేకమంది ఇబ్బందులకు గురవుతున్నారు. అధిక మొత్తంలో వడ్డీలు వేయడంతో తీసుకున్న లోన్ క్లోజ్ అవ్వడానికి నానా ఇబ్బందులు పడాల్సి వస్తుంది. ఈ తరుణంలో చాలామంది బ్యాంకుల నుండి వస్తున్న కాల్స్‎ను లిఫ్ట్ చేయకుండా వదిలేస్తూ ఉంటారు. ఇలాంటి వారికి చెక్ పెట్టేందుకు చైనీస్ లోన్ సంస్థలు కొత్త తరహా విధానాన్ని అమలు చేస్తున్నారు. ఆర్టిఫిషియల్ ఇంటెలిజెన్స్ ద్వారా ప్రతి పది నిమిషాలకు ఒక కాలు వచ్చేలా రూపకల్పన చేస్తున్నారు.

తీసుకున్న లోన్ అమౌంటు సరైన సమయానికి కట్టని పక్షంలో ఈతరహా విధానాన్ని అమలు చేయబోతున్నారు. దీని ద్వారా లోన్ తీసుకునే సమయంలోనే మన ఫోన్లో ఉన్న కాంటాక్ట్స్‎పై పూర్తిగా అనుమతి ఇస్తాము. లోన్ వస్తుంది అనే ఆశలో నిబంధనలు పూర్తిగా చదవకుండానే అన్నిటికీ అనుమతి ఇస్తుంటాము. చివరికి అదే మన కొంప ముంచేలా చేస్తుంది. మన కాంటాక్ట్స్‎పై ఫైనాన్స్ సంస్థలకు పూర్తిగా అనుమతి ఇవ్వడంతో అసలు సమస్య మొదలవుతుంది. సరైన టైంలో లోన్ కట్టని తరుణంలో కాంటాక్ట్స్‎లో ఉన్న అందరికీ కాల్స్ చేసి మీ గురించి చెప్పి వారి నుండి డబ్బులు వాసులు చేసే ప్రయత్నాలు జరుగుతున్నాయి.

ఇటీవల కరీంనగర్‎లో ఓ ఘటన ద్వారా ఈ విషయం బయటపడింది. ఆర్టిఫిషియల్ ఇంటలిజెన్స్ (AI) ద్వారా సరైన టైంలో లోన్ కట్టని వారికి ప్రతి పది నిమిషాలకు ఒక కాల్ వెళ్లేలా రూపకల్పన చేశారు. దీంతోపాటు వీరి కాంటాక్ట్స్‎లో ఉన్న మిగతా సభ్యులకు సైతం ఆర్టిఫిషియల్ ఇంటెలిజెన్స్ ద్వారా ప్రతి గంటకు కాల్స్ చేస్తూ వేధిస్తున్నారు. అలా కాల్స్ వస్తున్న వారిలో వివిధ హోదాలో ఉన్న పెద్దలు సైతం ఉండటం విశేషం. పోలీసులు రాజకీయ నేతలు, డాక్టర్, లాయర్లు‎కు ఈ తరహా కాల్స్ వెళ్తున్నాయి. మొన్నటి వరకు టెలీకాలర్స్ ద్వారా ఈతతంగాన్ని నడిపేవారు. అయితే ఇప్పుడు AI వచ్చిన తర్వాత వారి పని మరింత సులువుగా మారింది. ఇలాంటి కాల్స్ వచ్చిన పలువురు ఇప్పటికే సైబర్ క్రైమ్ పోలీసులను ఆశ్రయించారు. లోన్ తీసుకున్న వ్యక్తి సరైన టైంలో డబ్బులు కట్టని పక్షంలో అతని కాంటాక్ట్ లిస్టును యాక్సిస్ చేస్తున్న AI.. వారికి కాల్స్ చేసి లోన్ అమౌంట్ కట్టాలని వేధింపులకు గురి చేస్తున్నారు.